اذا عرفت انّ مقتضی المعلومات فی الوقف عدم جواز البیع، فاعلم انّ لاصحابنا فی الخروج عن عموم المنع فی الجمله اقوالاً
سه شنبه 3 اردیبهشت 1392
+0 به یه ن
وقفده‌كی بیعین عموماتی، اونون ساتیلماماسینی طلب ائتدیگینی بیلدیگین كیمی بیل گینن منعلیك عامّیندان چیخماغا بیزیم اصحابیمیزین فی الجومله نظرلری وار:
بیرینجی: جناب «حلّی»نین سؤزوندن ظاهیر اولدوغو كیمی بیعین یاساقلیغیندان اصلاً چیخماق اولماز. او، السرائر كیتابیندا شئیخ مفیدین (قدس‌سره) سؤزونو نقل ائدندن سونرا دئییر: «بیزیم مذهبیمیز طلب ائلیر بیر زادین وقفی و قبضیندن سونرا اوندان قاییتماق اولماسین و وقف اولان یوللاریندا و وجهلرینده دگیشیكلیك ائتمك اولماز. اونون ساتیلماسی‌دا جاییز دئییل، ایستر موقوف‌علئیهمه داها فایدالی اولسون و یا اولماسین، ایستر وقف خراب اولا و اونو سولطان و یا آیریسی تعمیر ائدن شخص تاپیلا و یا تاپیلمایا. ایستر ثمره‌لیگین الدن وئرمیش شراییطه دوشه و یا دوشمه‌یه.
شهید ده (ره) ساتیلمانین جاییز بیلنلرین سؤزلرینی نقل ائدندن سونرا دئییب: «ابن ادریس ساتیلما قاپیسینی باغلاییب. اونون سؤزو گوجلو اولسا دا نادیردیر. او سرائر كیتابیندا ایدّعا ائدیب كی ابدیلیك وقفده ایختیلاف یوخدور. ابن ادریس دئییب: بیزیم اصحابیمیزدا موجود اولان ایختیلافدان صؤحبت گئدنده غیر ابدی وقفده‌كی اولان ایختیلاف نظرده توتولوب. یعنی ایختیلاف او یئرلرده وار كی وقف بیر خاص طایفایا اولا و آیریلارینا رجوع ائتمك اوچون شرط قویولمایا. آما وقف، خاص بیر طایفایا اولوب و اونلاردان سونرا آیریلارینا وقف اولوبسا و واقیف آللاهین یئری ایرث آپارانا قدر اونون آیریلارینا ایرجاع وئریلدیگینی شرط ائدیرسه، اونون ساتیلماماسی‌نین گركلیگی باره‌ده اصحابیمیزین آراسیندا ایختیلاف یوخدور. بیتدی. (شهیدین ابن ادریسدن نقل ائتدیگی بیتدی)
بؤلوم :
یازار : صمد كامران قراملكي