محقق اردبیلی‌نین بو صحیحه روایته ایكی اعتیراضی وار: بو روایت خولاصه و موجملدیر: هاردان بیلك ایمامین نظرده توتدوغو بو ایكی احتیمالین هانسیدیر: 1. احتیمالی وار بونو نظرده توتا: دونیادا جزافلا ساتیلان شئیلرده سن اؤلچو آدی گتیردیگینه گؤره اؤلچو ایله آلمالیسان. 2. احتیمالی‌دا وار عؤرفده و عادتده اؤلچولن شئیلری نظرده توتا.

ایمامین سؤزو عمومی دئییل. ایكینجی اولسا سیز دئیَندیر. آما بیرینجینی نظرده توتورسا سیز دئیَن دئییل.

ایكینجی اعتیراض‌دا بودور: بو روایت، مشهورون حؤكمونون عكسینی احتیوا ائدیر. مشهور دئییر: ساتیجینی تصدیق ائله‌مه‌لیسن آما بو روایت دئییر اونو تصدیق ائله‌مه‌مه‌لیسن.

محقق اردبیلی‌نین بو اعتیراضی‌نین ویجهه‌سی یوخدور. چونكی ایمامین بو سؤزونون: « سمیت فیه كیلا»  ظاهیری اؤلچو نظرده توتولان شئیلر‌دیر. بو عیبارت بو طعامین عادتاً اؤلچو ایله ساتیلماسینا كینایه‌دیر.

یوخسا بیزه اعتیراض اولاراق بئله دئییله كی: طعامین «فیلان جور اولماسی (اؤلچو ایله ساتیلسین)» ایله تصویرلنمه‌سی [احتیرازی تصویرلندیرمه‌ اولوب و] اونون چئشیتلندیرمه‌سی آنلامیندا اولا (ایكی چئشیت طعام اولا: 1. اؤلچو و چكی ایله ساتیلان. 2. اؤلچو و چكی‌سیز ساتیلان) بیر حالداكی بیزیم اؤلچوسوز و چكیسیز ساتیلان طعامیمیز یوخدور. ایستیثنا اولماقلا بیچیلمه‌میش اكین، اؤلچو و چكی ایله ساتیلماز.

ایكی چئشید طعامین اولمادیغینا گؤره [و تصویرلندیمه‌نین احتیرازی یوخ بلكه ایضاحی اولدغونا گؤره] بونو نظرده توتماسی چتیندیر. دوشون گینن. (صدالانان قئید یعنی: «یوخسا بیزه اعتیراض اولاراق بئله دئیییله . . .»،  احتیرازی قئید اولماغا اساسلانیردی. احتیرازی اولمایاندا دا ایضاحی اولور و بوتون طعاملار بیر چئشیتدیر.)

والإیراد  على دلالة الصحیحة بالإجمال، أو باشتمالها على خلاف المشهور من عدم تصدیق البائع، غیر وجیه، لأن الظاهر من قوله: " سمیت فیه كیلا "، أنه یذكر فیه الكیل، فهی كنایة عن كونه مكیلا فی العادة، اللهم إلا أن یقال : إن توصیف الطعام بكونه كذلك - الظاهر فی التنویع، مع أنه لیس من الطعام ما لا یكال ولا یوزن إلا  مثل الزرع قائما - یبعد  إرادة هذا المعنى، فتأمل.